ԱՄՆ նախկին նախագահ Դոնալդ Թրամփը ձերբակալվել է: Այս մասին հաղորդում է BBC-ն` հավելելով, որ նա դարձել է ԱՄՆ առաջին նախագահը, ով ձերբակալվել է քրեական մեղադրանքով:
Թրամփի դեմ քննություն էր սկսվել պոռնոաստղ Սթորմի Դենիելսին լռության դիմաց վճարելու գործով: Ըստ գործի նյութերի` 2016թ. Թրամփն իր փաստաբանի միջոցով վճարել էր Դենիելսին, որպեսզի վերջինս լռի իրենց սեռական կապի մասին:
Թրամփը կտրականապես հերքում է, որ կապ է ունեցել Դենիելսի հետ և մեղադրանքը համարում է քաղաքական դրդապատճառներով:
Պատրաստեց Վիկտորյա ԱՆԴՐԵԱՍՅԱՆԸ