ԱԺ ՔՊ խմբակցության պատգամավոր Գեւորգ Պապոյանը խորհրդարանում լրագրողների հետ ճեպազրույցում կրկնեց, որ ՀՀ պետական բյուջեից գումար չի հատկացվելու Արցախի պետական ինստիտուտների պահպանման համար։
Գեւորգ Պապոյան
«Հայաստանում Արցախի պետական ինստիտուտներ չկան, եւ բնականաբար դրանց պահպանման համար չենք կարող գումար հատկացնել։ Մենք չպետք է այնպիսի բաներ անենք, որոնք առիթ կտան մյուս կողմին սադրանքներ իրականացնել Հայաստանի Հանրապետության տարածքային ամբողջականության նկատմամբ եւ խաղաղության գործընթացը տորպեդահարեն։ Մեր պետությունը հենց նրա համար է, որպեսզի իր բոլոր ռիսկերը, մարտահրավերները, հնարավորությունները ճիշտ հաշվարկի, չանի քայլեր, որոնց արդյունքում Հայաստանի Հանրապետությունը կունենա կորուստներ, սա անթույլատրելի է»։
Հարցին, որ Գերագույն հոգեւոր խորհրդի ժողովը, սակայն, որոշել է պահպանել Արցախի թեմը, Պապոյանը պատասխանեց․ «Եկեղեցին պետությունից անջատ է եւ չի մասնակցում որեւէ բանակցությունների։ Եկեղեցին պատասխանատու չէ Հայաստանի տարածքային ամբողջականության համար, եկեղեցին չէ բանակը ղեկավարում, եկեղեցին չէ սոցիալական ծախսերը հոգում, եկեղեցին չէ 100 հազար արցախցիների խնդիրները հոգում»։
Կարդացեք նաև
Ռոզա ՀՈՎՀԱՆՆԻՍՅԱՆ
