Այսօր ավելի քան երբևէ սոցիալական ցանցերի ակտիվությունն օգնում է շոու բիզնեսի ներկայացուցիչներին դառնալ էլ ավելի հանրաճանաչ։ Յութուբյան հաշիվների ցուցանիշներն ու վարկանիշները կանխորոշում են, թե ինչքան վառ կփայլի հայտնիների աստղը։ Հայկական շոու բիզնեսի նորաբնակներից Էռնեստ Օգաննեսյանը չէր էլ կարող պատկերացնել, որ այսչափ բուռն արձագանք կստանա հետևորդներից։ Ընդամենը 5 տարվա վաղեմություն ունեցող նրա յութուբյան օգտահաշիվը գրանցել է նոր ռեկորդ՝ 278.000.000 դիտում։
Երգչին պարբերաբար հաջողվել է գերազանցել իր ամեն նախորդ ցուցանիշը։ Այսպես՝ նրա 30. 000.000 դիտում գրանցած «Գնալով գնալով» կատարումը նոր հորիզոններ բացեց արտիստի առաջ. թվում էր թե այլեւս մարտահրավեր է այսչափ տարածում գտած եւ բուռն արձագանքների ակնկալիք ունեցող արժանի նոր գործ ներկայացնելը։ Սակայն Դիանա Հարությունյանի հետ համագործակցության արդյունքում ծնված «Սիրտս լի է» ստեղծագործությունը նոր ալիք բարձրացրեց յութուբում՝ գրանցելով ավելի քան 35.000.000 դիտում։
Կարդացեք նաև
Էռնեստ Օգաննեսյանի ակտիվությունը սոցցանցերում բնավ չի սահմանափակվում յութուբով։ Բավականին ակտիվ է նրա ինստագրամյան օգտահաշիվը, որն ունի 132.000 հետևորդ։ Մեծ հաճախականությամբ էջում տեղադրվող ռիլլերը ունենում են միջինում կես միլիոնից ավելի դիտումներ, ինչն անհերքելի ապացույց է հանդիսատեսի կողմից սիրված ու ընկալված լինելու։
Հետևորդների քանակի աճը տեսանելի է ամենօրյա ռեժիմով: Թերեւս, այս ցուցանիշների կայուն աճը շուտով երգչին կբերի իր ուրույն տեղը հայկական երգարվեստի հայտնիների թոփ տասնյակում։
Անի ՎԱՐԴԱՆՅԱՆ
