«1942-ին գետի մյուս ափին կանգնած էր 18 թուրքական դիվիզիա, որը սպասում էր Ստալինգրադի անկմանը, որ անցներ սահմանը և ոչնչացներ այն, ինչ մնաց Հայաստանից և հայերից Կովկասում։ Դրա մասին մարդիկ պիտի լավ հիշեն։ Թուրքիան պլաններ ուներ Երկրորդ համաշխարհային պատերազմի ժամանակ ներխուժել Կովկաս և վերջնականապես փակեր հայոց հարցը՝ ոչնչացներ հայերին»,- Հաղթանակի զբոսայգում լրագրողների հետ զրույցում նշեց ԱՄՆ Սթենֆորդի համալսարանի քաղաքագիտության դոկտոր Արթուր Խաչիկյանը։
Հարցին՝ ի՞նչ կփոխի ՀՀ վարչապետ Նիկոլ Փաշինյանի այցը ՌԴ, Արթուր Խաչիկյանն այսպես պատասխանեց․ «Պարզ է, որ նա փորձում է հետ ճանապարհ գտնել, որ իր արևմտյան բոլոր հեքիաթները տապալվեցին, արևմուտքը որևէ ռեալ բան չարեց ՀՀ-ի համար, մեզ պոկեց ՌԴ-ից, փչացրեց մեր հարաբերությունները ՌԴ-ի հետ, և մենք մնացինք այս ճգնաժամում։ Հասկանալի է, որ պետք է հիմա նորից փորձի լեզու գտնել ռուսների հետ, բայց փոխանակ դա անեինք արժանապատիվ ձևով՝ որպես արժանի դաշնակից, հիմա բոլորը սա տեսնում են՝ որպես նվաստացուցիչ, ստիպված ծնկի վրա հետ գալ Մոսկվա։ Կադրերից անգամ երևում է, որ Նիկոլ Փաշինյանը ստիպված է այնտեղ լինել»։
Կարդացեք նաև
Տաթև ՀԱՐՈՒԹՅՈՒՆՅԱՆ
