-Այս տարիների ընթացքում խնդրում եմ ասեք մի փողոցային պայքար, որը կամ մենք չենք նախաձեռնել, կամ ակտիվ չենք եղել դրանում, կամ հանգիստ ենք վայելում մեր տներում նստած,- այսպես արձագանքեց ընդդիմությանը ուղղված քննադատությանն այսօր լրագրողների հետ զրույցում ԱԺ «Հայաստան» խմբակցության պատգամավոր Գառնիկ Դանիելյանը:
Պատգամավորի հետ հարցազրույցը ընդհատեցին դատական կարգադրիչները՝ հայտնելով, որ արգելված է նկարահանումը:
-Դե տեսնում եք՝ նույնիսկ դատական դահլիճում են մեր իրավունքները սահմանափակում, ինչ-որ խնդիր կա՞ ընդմիջմանը հարցազրույց տալու: Ես նման բան առաջին անգամ եմ տեսնում,- արձագանքեց կարգադրիչին պատգամավորը, երբ լսեց, որ դուրս են հրավիրում:
Կարդացեք նաև
-Լավ է, էս տեսախցիկները չեք ջարդում, մեր գլուխներն էլ հետը, հետաքրքիր մարդիկ եք, ի՞նչ եղավ, էս ի՞նչ ձեւ է,- զայրացավ պատգամավորը:
Արփինե ՍԻՄՈՆՅԱՆ
