Արտաքին և անվտանգության քաղաքականության Երևանի կենտրոնի վերլուծաբան Դավիթ Պետրոսյանի ֆեյսբուքյան գրառումը
Շատ բան կա ասելու, բայց կարծում եմ, որ կարևոր արձանագրումներն արվել են, ես մի բան եմ ցանկանում շեշտել։
Սիրելի արցախցի ընկերներ, Հայաստանի մնացած բոլոր հատվածների հայերը Ձեզ շատ սիրում ու հարգում են, մեր ցավը ընդհանուր է, ինչպես 1994-ի հաղթանակն է եղել ընդհանուր, այնպես էլ 2020-ի կամ 2023-ի արդյունքը։ Թե՛ ՀՀ-ում բնակավող հայերը, թե՛ Արցախում ապրող հայերն արել են իրենցից հասնող ամեն ինչ Հայաստանի ու Արցախի համար։ Քաղաքական կուսակցությունների կամ անհատների արարքներով ու խոսքով, որն ուղղված է իշխանության գալուն կամ պահելուն, մեր միջև սեպ չի կարող խրվել, ավելին՝ այս մթնոլորտում մենք իրար պետք է ավելի արժևորենք։
Ինչպես բազմիցս ասել եմ, էլի կասեմ` արցախցին սերունդներով կռվել է ու կռվում է, երջանիկ են նրանք, ովքեր պատիվ են ունեցել նրանց հետ խրամատ կիսել։
