Մինչ Երեւանի քաղաքապետարանը Երեւան քաղաքի սրտում՝ Թումանյան 2-րդ անցուղու բակում, շինարարական աշխատանքների կատարման նոր թույլտվություն է տալիս անձի սեփականության իրավունքի կոպիտ խախտմամբ, ՀՀ Սահմանադրական դատարանի՝ 2025 թվականի հուլիսի 1-ի թիվ ՍԴՈ-1789 որոշմամբ արտահայտված դիրքորոշումների անտեսմամբ, առանց նույնիսկ սպասելու նախաձեռնված քրեական վարույթների հանգուցալուծմանը, դատական կարգով կրկին արձանագրվել է Անդրանիկ Սարկավագ Մանուկյանի իրավունքի խախտման փաստը։
Երեկ ստացված ՀՀ վերաքննիչ քրեական դատարանի՝ 2025 թվականի օգոստոսի 25-ի որոշմամբ բավարարել է լիազոր ներկայացուցիչ Առնոլդ Վարդանյանի՝ կառուցապատող ընկերության նախագահի նկատմամբ քրեական հետապնդում չհարուցելու մասին դատախազության որոշման դեմ ներկայացված հատուկ վերանայման բողոքը եւ պարտավորեցրել վերացնել այն՝ արձանագրելով Անդրանիկ Սարկավագ Մանուկյանի՝ ՀՀ Սահմանադրությամբ երաշխավորված արդար դատաքննության իրավունքի խախտման փաստը՝ արդյունավետ քննություն չիրականացվելու պատճառով։
Դատարանը կրկին վերահաստատել է մեր կողմից մշտապես բարձրացվող այն պնդումը, որ փորձագիտական եզրակացությամբ հաստատվել է, որ բազմաբնակարան շենքի կառուցման նախագծի վերաբերյալ տրված դրական եզրակացությունը չի համապատասխանում տվյալ պահին ՀՀ-ում գործող ոլորտը կարգավորող քաղաքաշինական նորմերին, իսկ գլխավոր հատակագծով նախատեսված միջշենքային տարածության չափերը պահպանված չեն եղել։
Առնոլդ ՎԱՐԴԱՆՅԱՆ
Կարդացեք նաև
Փաստաբան, Ա. Մանուկյանի ներկայացուցիչ
«Առավոտ» օրաթերթ
06.09.2025թ.
