– Ընդդիմադիր քաղաքական գործիչներն ու ընդդիմադիր ուժերը խելքները գլուխները պետք է հավաքեն, ոչ թե իրար դեմ աշխատելով գնան առաջ ու պատրաստվեն հերթական նիկոլական ընտրություններին, այլ պետք է հասկանան՝ միասնական մեկ թիրախի պետք է խփեն։ Իսկ թիրախը պետք է լինի Նիկոլ Փաշինյանը,– այսօր լրագրողների հետ զրույցում ասաց ՀՀԿ գործադիր մարմնի անդամ Մարգարիտ Եսայանը։
– Երբ ինձ հարցնում են՝ ինչ ակնկալիք ունեմ դատաիրավական համակարգից, ես ակնկալիք չունեմ, որովհետև ինչպես ունենք քաղբանտարկյալներ Հայաստանում, այնպես էլ դատաիրավական համակարգը ՀՀ-ում գտնվում է բանտարկված վիճակում։ Այն գտնվում է Նիկոլ Փաշինյանի տիրապետության տակ և իրականացնում է ախմախ, անտրամաբանական ու հիմնազուրկ բոլոր այն հրահանգները, որոնք Փաշինյանը որոշում է ուղղել դատաիրավական համակարգին,– շարունակեց Եսայանը։
Նրա խոսքով՝ այս իրավիճակի լուծումը մեկն է․ փողոցը պետք է գեներացվի, իմպիչմենթի գործընթացը դառնա իրական, ընդդիմադիր ուժերը պետք է դուրս գան փողոց, հասարակությանը հանեն փողոց և ուղղորդեն Նիկոլ Փաշինյանին հեռացնելու ճանապարհով։
Կարդացեք նաև
Արփինե ՍԻՄՈՆՅԱՆ
