ԱՄՆ փոխնախագահ Ջո Բայդենը, որն ապրիլի 22-ին պաշտոնական այցով ժամանել է Կիև, Ուկրաինայի վարչապետ Արսենի Յացենյուկի հետ հանդիպումից հետո կայացած մամուլի ասուլիսի ժամանակ Ռուսաստանին սպառնացել է նոր պատժամիջոցներով, եթե Մոսկվան շարունակի աջակցել Ուկրաինայի արևելքի անջատականներին: Փոխանցում է «Բի ԲԻ Սի»-ն:
«Մենք ուզում ենք, որ Ռուսաստանը չաջակցի այն մարդկանց, որոնք թաքնված են դիմակների տակ և զինվորական համազգեստ են կրում և որոնք երկրի արևելքում շենքեր են գրավում», – ասել է Բայդենը, ինչպես լրատվականն է գրում, անսովոր խիստ տոնով՝ ավելացնելով, որ «Ռուսաստանի հետագա սադրիչ գործողություններն ավելի կոշտ արձագանքի կարժանանան և երկրին կբերեն ավելի ահեղ մեկուսացման»:
«Այսօր ոմանք փորձում են մասնատել Ուկրաինան: Ուկրաինան պայքարում է իր գոյության համար: Մենք՝ Ամերիկայի Միացյալ Նահանգները, ձեզ և բոլոր ուկրաինացիների հետ հանդես ենք գալիս միասնական Ուկրաինայի կողմից», – ասել է փոխնախագահը՝ վստահեցնելով, որ շատ շուտով իրենք արդյունքի կհասնեն, – «Մենք թույլ չենք տա, որ սա վերածվի անվերջ գործընթացի»:
Բայդենը անդրադարձել է նաև Ուկրաինայում տիրող հակահրեականության հարցին՝ նշելով, որ նման երևույթն անհանդուրժելի է. «Ուկրաինայում տեղ չկա այնպիսի դրսևորումներին, ինչպիսիք են հակահրեականությունը և ազգատյացությունը: Ես կրկնում եմ՝ ոչ մի արդարացում չկա հակահրեկանության, ինչպես նաև ազգատյացության համար: Ոչ: Ոչ մի դեպքում: Ոչ մի կերպ», – ասել է նա:
Կարդացեք նաև
ԱՄՆ փոխնախագահ Ջո Բայդենը բացի Յացենյուկից հանդիպել է նաև Ուկրաինայի նախագահի պաշտոնակատար, Խորհրդարանի խոսնակ Ալեքսանդր Տուրչինովի և Գերագույն Ռադայի կուսակցությունների առաջնորդների հետ, որոնց հետ քննարկել է մայիսի 25-ին նշանակված Ուկրաինայի նախագահի ընտրությունները՝ անվանելով այն «երկրի պատմության կարևորագույն» ընտրությունները:
Պատրաստեց Հովհաննես ԻՇԽԱՆՅԱՆԸ
😀 :D: D 😀 😀
Միջերկրականի հարավային և արևելյան ափերը քանդելուց հետո անցել են հյուսիսային ափերին՝կշարունակվի Ռումինիայով…մինչև Պորտուգալիա:Հռոմեական Կայսրությունը մեկ անգամ կործանել են՝այնտեղ ուղարկելով Քրիստոսի առաքյալների:Եվրոմիությունը միամիտ գտնվեց իր ասոցացված կազմի մեջ մտցնել նաև հյուսիսային աֆրիկայի պետություններին և ձեռնոց նետել ԱՄՆ-ին՝հետևանքները տեսնում ենք:ԱՄՆ-ը թույլ չի տա Եվրոմիության հզորացում՝սահմանվածից ավելին: Այժմ էլ Ուկրաինան է կործանում՝նրանց դարձնելով ,,բամբակով ջուր ստացող,,հիվանդի՝հիվանդը չի մահանա,բայց և չի էլ կազդուրվի ու միշտ կախված կլինի ջուր տվողի կամքից: