Ռուսաստանի խոշորագույն պետական նավթային ընկերությունը Роснефть-ը օրերս ձեռք է բերել վրացական Petrocas ընկերության բաժնետոմսերի 49 տոկոսը, հայտնում են ռուսաստանյան եւ վրացական մի շարք պարբերականներ:
Petrocas-ի սեփականատերը` նախկինում Ռուսաստանի, այժմ Շվեդիայի քաղաքացի հանդիսացող Դավիթ Յակոբաշվիլին, ով այս ընկերության բաժնետոմսերը ձեռք էր բերել դեռեւս 2011 թվականի գարնանը` բարձր է գնահատել ռուսական նավթային ընկերության հետ կնքված պայմանագիրը: «Այս համաձայնագիրը ընդգծելու է անդրկովկասյան էներգետիկ միջանցքի և ողջ տարածաշրջանի ռազմավարական նշանակությունը», – նշել է Յակոբաշվիլին:
Վրաստանի էկոնոմիկայի նախարար Գեորգի Կվիրիկաշվիլին` մեկնաբանելով կնքված գործարքը նշել է․ «Ցավում եմ, բայց Petrocas-ի կողմից կնքված այս գործարքին պետությունը որևէ կերպ չէր կարող միջամտել: Բոլոր փոխանցումներն արվել են պետությունից անկախ»:
