Ուկրաինայի արտաքին գործերի նախարարության կայքում քիչ առաջ հրապարակված հաղորդագրությունում նշված է. «Ուկրաինան չի ճանաչում 2015 թվականի մայիսի 3-ին Լեռնային Ղարաբաղի տարածքում տեղի ունեցած, այսպես կոչված, «խորհրդարանական ընտրությունները» եւ դրանք ոչ լեգիտիմ է համարում: Ադրբեջանի օկուպացված տարածքներում կայացած այդ «ընտրությունների» արդյունքները կարող են իրավական հետեւանքներ ունենալ»:
Հաղորդագրությունում ասված է նաեւ, որ Ուկրաինան հանդես է գալիս Լեռնային Ղարաբաղի հակամարտության խաղաղ կարգավորման օգտին՝ «հիմնվելով Ադրբեջանի Հանրապետության ինքնիշխանությունը, տարածքային ամբողջականությունը եւ միջազգայնորեն ընդունված սահմանները հարգելու սկզբունքների վրա»:
Հիշեցնենք, որ ավելի վաղ ԼՂ ընտրությունները չճանաչելու վերաբերյալ հաղորդագրություն էր տարածել նաեւ Վրաստանի արտաքին գործերի նախարարությունը:
Պատրաստեց Աշոտ ԻՍՐԱԵԼՅԱՆԸ
