««Ա1+» լրատվամիջոցից եմ իմացել ՀՀ վճռաբեկ դատարանի մայիսի 8-ի որոշման մասին: Այս որոշումը տեղադրվել է այսօր «Դատալեքս» տեղեկատվական համակարգում»,-Аravot.am-ին ասաց փաստաբան Ինեսա Պետրոսյանը:
Նա «Շանթ Հարությունյան եւ ընկերներ» գործով բողոք էր բերել ՀՀ վճռաբեկ դատարան:
Վճռաբեկ դատարանը ամբաստանյալներ Շանթ Հարությունյանի, Շահեն Հարությունյանի, Վարդան Վարդանյանի, Ավետիս Ավետիսյանի, Հայկ Հարությունյանի, Սեւակ Մնացականյանի, Վահե Մկրտչյանի, Ալբերտ Մարգարյանի, Միսակ Առաքելյանի, Լիպարիտ Պետրոսյանի, Արմեն Հովհաննիսյանի, Ալեք Պողոսյանի վերաբերյալ ՀՀ վերաքննիչ քրեական դատարանի 2015 թվականի փետրվարի 2-ի որոշման դեմ ներկայացված ամբաստանյալների պաշտպանների բողոքը մերժել է։ Որոշումն օրինական ուժի մեջ է մտնում կայացման պահից, վերջնական է եւ ենթակա չէ բողոքարկման։
Ըստ փաստաբանի, իրենք դեռ չեն ստացել վճռաբեկի որոշումը իրենց բողոքները մերժելու մասին, պաշտպանական կողմը՝ Էդուարդ Աղաջանյանը, Արա Զաքարյանը, Հովհաննես Քոչարյանը եւ այլք, չեն ստացել, եւ հետեւաբար, նրանց պաշտպանյալները նույնպես տեղյակ չեն կատարվածից:
Կարդացեք նաև
Ռուզան ՄԻՆԱՍՅԱՆ
