Ի պատասխան պայմանագրային զինծառայողը հարվածներ է հասցրել հայհոյած զինվորին
Աշտարակ քաղաքի բնակիչ, 1996թ. ծնված Հայկ Ղազարյանին մեղադրանք է առաջադրվել այն բանի համար, որ նա, հանդիսանալով զորամասի ժամկետային զինծառայող, 2015թ. մարտի 27-ից մինչեւ 2015թ. ապրիլի 10-ը համապատասխան հրամանով ընդգրկված լինելով զորամասի պաշտպանական շրջանում տեղակայված մարտական հենակետում, 2015թ. մարտի 30-ի ժամը 06. 45-ի սահմաններում զինվորական ծառայության պարտականությունները կատարելու կապակցությամբ` դիտորդի պարտականությունները ստանձնելու նպատակով քնից արթնացնելու համար սեռական բնույթի հայհոյանքներ է տվել նույն հենակետում որպես ավագ նշանակված, իր նկատմամբ պետ հանդիսացող, պայմանագրային զինծառայող Գրիգոր Աղաքարյանի հասցեին` անպաշկեշտ ձեւով ստորացնելով նրա պատիվն ու արժանապատվությունը:
Իջեւան քաղաքի բնակիչ, 1984թ. ծնված Գրիգոր Աղաքարյանին մեղադրանք է առաջադրվել այն բանի համար, որ վերոհիշյալ հանգամանքներում Հայկ Ղազարյանի կողմից հայհոյանքներ ստանալուց հետո ձեռքով հարվածներ է հասցրել նրա դեմքին, պատճառելով թեթեւ վնասի հատկանիշներ չպարունակող մարմնական վնասվածք:
Կարդացեք նաև
Հ. Ղազարյանին մեղադրանք է առաջադրվել ՀՀ քրեական օրենսգրքի 360 հոդվածի 2-րդ մասով, Գ. Աղաքարյանին`358.1 հոդվածի 1-ին մասով: Ղազարյանի նկատմամբ խափանման միջոց է ընտրվել հրամանատարության հսկողությանը հանձնելը, Աղաքարյանի հանդեպ` չհեռանալու մասին ստորագրությունը: Սույն քրեական գործով դատավարությունը այսօր մեկնարկել է Տավուշի մարզի առաջին ատյանի դատարանի Իջեւանի նստավայրում:
Ոսկան ՍԱՐԳՍՅԱՆ
