Գերման Ստերլիգովին բաց են թողել. նա «LifeNews»-ին հարցազրույց է տվել

Գերման Ստերլիգովին բաց են թողել. նա «LifeNews»-ին հարցազրույց է տվել

Բիզնեսմեն Գերման Ստերլիգովը, որը մի քանի ժամ առաջ Դոմոդեդովոյի օդանավակայանում ձերբակալվել էր, իրավապահ մարմինների հետ խոսելուց հետո ազատ է արձակվել: Այս մասին «LifeNews»-ի հետ զրույցում ասել է ինքը՝ Գերման Ստերլիգովը:

«Խոսքը «Իվան Ահեղից մինչեւ Պուտին» դասագրքի մասին է, որը հրապարակվել է իմ կայքում: Դա այս ամառվա իմ բոլոր խնդիրների բանալին է»,- ասել է Ստերլիգովը եւ պարզաբանել, որ տեքստում Ադրբեջանի իշխանությունների համար կասկածելի ձեւակերպումներ կան՝ կապված Լեռնային Ղարաբաղի պատմության հետ:

Բիզնեսմենը նշել է, որ 3 ժամվա ընթացքում նա շփվել է հատուկ ծառայությունների եւ իրավապահ մարմինների ներկայացուցիչների հետ. «Եվ ոստիկանությունը եւ տրանսպորտային դատախազությունը եւ ԱԱԾ-ն հստակ կատարել են իրենց պարտականությունները: Եվ այժմ, որպես Ռուսաստանի Դաշնության քաղաքացու, ինձ տուն են թողել»:

Գերման Ստերլիգովը հաճելիորեն զարմացած է ռուսական հատուկ ծառայությունների աշխատանքով: Սակայն նա նշել է, որ Ռուսաստանում դեռ գործում են կանոններ, որոնք ընդունվել են ելցինական դարաշրջանում կապված վարույթի ծայրահեղ բյուրոկրատիայի հետ:

Պատրաստեց Աշոտ ԻՍՐԱԵԼՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք