Կողբը Տավուշի մարզի ամենամեծ գյուղերից է: Գյուղի մեծ ու փոքրը կապ չունի. մեծ գյուղն էլ մեծ-մեծ խնդիրներ ունի: Կողբեցիները մտահոգված են, որ գյուղի միակ բժշկական ամբուլատորիան անբարեկարգ է, պատերը խոնավությունից բորբոսնած ու խունացած:
Բժշկական ամբուլատորիայի բուժքույր Աիդա Եգանյանի խոսքերով, բուժհիմնարկում անգամ նորմալ սեղան-աթոռ չունեն, անգամ անկետաների պահարան չունեն: Չնայած այդ ամենին, հիվանդների պակաս բժշկական ամբուլատորիան չունի: Բուժքրոջ տվյալներով` օրական գրեթե 50 մարդ է դիմում բուժօգնության` սրտանոթային, շաքարային դիաբետի, թոքաբորբի գանգատներով: Տիկին Եգանյանը կարծում է, որ համագյուղացիների առողջական խնդիրները պայմանավորված են ապրելակերպով. մարդիկ թերսնված են ու խեղճացած սոցիալական վատ պայմաններից:
Բժշկական ամբուլատորիան ջրի խնդիր էլ ունի, մինչդեռ սա այն կարեւոր օղակն է, որ ջուրը պետք է մշտապես լինի, այնինչ բուժհիմնարկը նորմալ ջրի բաք էլ չունի:
Նյութի մանրամասները կարդացեք տպագիր «Առավոտի» վաղվա համարում
Անուշ ՄԱԹԵՎՈՍՅԱՆ
