Aravot.am-ը Շանթ Հարությունյանի որդուց՝ Շահեն Հարությունյանից հետաքրքրվեց, թե որպես ոստիկանություն հաճախակի բերման ենթարկվող անձ հանդիպե՞լ է այդ կառույցում այնպիսի ոստիկանների, որոնք կիսում են իր գաղափարները:
«Ամբողջ ոստիկանական համակարգում կան մարդիկ, որոնք չասեմ ընկեր են, բայց ունեն արժեհամակարգ: Օրինակ՝ Երևանի ոստիկանապետ Աշոտ Կարապետյանը ու Շիրակի մարզի ոստիկանապետը շատ տարբեր են, երբ քննադատում եմ Աշոտ Կարապետյանին, ինձ շատ են ասում՝ ո՞նց ես դուխ անում, դուխի խնդիր չէ, ես ասում եմ ճշմարտությունը: Հանդիպման էինք, Աշոտ Կարապետյանը եկավ, ինձ վերցրեց, տարավ ոստիկանություն ու ասում է՝ տարիներով վզիդ կփաթաթենք, կեթաս, արա, դու ո՞վ ես, որ ցույց ես անում, Սերժի նկար ես պատռում, Ալիևի նկար… Լավ եմ անում… Կանչում, փորձում է այդ ձևով հարց լուծել, բայց Շիրակի ոստիկանապետ Սարգիս Մարտիրոսյանը Գյումրու դեպքով (խոսքը, Հռոմի պապի այցելության օրը նրան առևանգելու մասին է Ա.Ն.) այնպես է իմ հետ խոսել, որ ես չեմ վախենում ասեմ՝ շատ կարգին մարդ է, հարգում եմ իրեն:
Հիմա ես ո՞նց կարող եմ տարբերություն չդնել Շիրակի ոստիկանապետի ու Աշոտ Կարապետյանի միջև, կամ ո՞նց կարող եմ տարբերություն չդնեմ Գեղամ Խաչատրյանի, որը հասավ Գյումրի, ինձ բռնեց ու այստեղի ոստիկանապետի միջև: Եթե տարբերություն չդնեմ, նշանակում է արժեքային առումով ես սրիկա մարդ եմ, որովհետև ես խոսում եմ արժեքների մասին, իսկ արժեքը նաև գնահատելու զգացողությունն է»,- ասաց Շահեն Հարությունյանը:
Նունե ԱՐԵՎՇԱՏՅԱՆ
Կարդացեք նաև
