«Վերջին 15-20 տարիներին մեր քաղաքաշինական միջավայրը աղճատվել է»,- մարտի 2-ին «Նոյյան տապան» մամուլի ակումբում լրագրողների հետ հանդիպման ընթացքում ասաց ճարտարապետ Դավիթ Ստեփանյանը:
Նա նշեց, որ Ալեքսանդր Թամանյանը ոչ միայն վերածնել է մոռացված ազգային ճարտարապետությունը, նա ստեղծել է դասականության մի նոր ձև. «Դա հարգելու, դա գնահատելու փոխարեն այսօր մենք այդ ամենը նսեմացրել ենք հարակից բարձրահարկերով: Օրեցօր տեսնում ենք նոր կռունկներ, նոր երկաթբետոնե սյուներ են բարձրանում այդ կառույցների ֆոնային հատվածում: Այդ ամենը ստվերում է Հանրապետության հրապարակի իրական արժեքը»:
Դավիթ Ստեփանյանը անդրադարձավ նաև Արամ Մանուկյանի արձանի տեղադրմանը Հանրապետության հրապարակ մետրոյի կայարանի վերին հատվածում. «Զարմանալի է, որ կոթողանման արձանը, որ հանգիստ կարող էին տեղակայել ասենք մի քիչ այլ հատվածում, աստիճաններից դուրս ընկած մի տեղ, կամ ասենք դիմացի մայթին, որոշեցին տեղադրել օրիգինալ լուծում ունեցող այդ հսկա տուֆե սալերի վրա, ինչը շռայլություն է այսօրվա դրությամբ»:
Ամի ՉԻՉԱԿՅԱՆ
Դեռ լավ է, որ լավաշով չեն պարուրել կամ բարուրել արձանը : Բա որ արեւից դրոշի գույնը թափվի՞