Հոկտեմբերի 22-ին Լեռնային Ղարաբաղի նախագահ Արկադի Ղուկասյանը հանդիպել է ԶԼՄ ներկայացուցիչների հետ, որի ընթացքում ասել է, թե այլեւս Ղարաբաղում լրագրողների համար չի լինելու փակ թեմա։ Բացի այդ, տեղեկացվել է, որ շուտով ԼՂՀ-ում կհիմնադրվի առաջին ոչ պաշտոնական պարբերականը, որի խմբագիր կնշանակվի մինչեւ վերջերս «Ազատ Արցախ» պաշտոնաթերթի խմբագիր Գեղամ Բաղդասարյանը։
ԵՆԹԱԿԱ ԵՆ ՍՏՈՒԳՄԱՆ
Արշակ Սադոյանը հոկտեմբերի 22-ին տեղի ունեցած մամուլի ասուլիսի ժամանակ հայտարարեց, թե փաստաթղթային լուրջ ուսումնասիրության կարիք է զգում բարտերային փոխանակության ոլորտը։ Նա, ի մասնավորի, նկատի ուներ նյութական մատակարարումների նախարարության կատարած գործարքները՝ «Արթուրտրեդ», «Ռոսկոնտրակտ» եւ «Դվին» կոնցեռնների հետ։
Կարդացեք նաև
ԶԻՆԱԿԻՐՆԵՐ
Երկու-երեք շաբաթ առաջ, մի զանգվածային միջոցառման ժամանակ, ոստիկանությունը ձերբակալել է մի քանի մարդու, որոնց մոտ զենք է եղել։ Պարզվել է, որ նրանք էջմիածինցի են եւ եկել են գեներալ Մանվել Գրիգորյանի հետ։ Որոշ պարզաբանումներից հետո, երբ հավաստվել է նրանց զենք կրելու իրավունքը, ձերբակալվածներն ազատ են արձակվել։
ՄԱՐՄՆԱՎԱՃԱՌՆԵՐՆ «ՕԳՏՎՈՒՄ» ԵՆ ԱՆՎՃԱՐԻՑ
Բաղրամյան պողոտայի 50 մարմնավաճառներ բերման են ենթարկվել օրերս ՆԳ աշխատակիցների կողմից։ Նրանք ուղարկվել են անմիջապես «Վենդիսպանսեր» ստուգման։ Ընդհանրապես, մարմնավաճառներն ուրախ են, քանի որ այս դեպքերում նրանք օգտվում են «Վենդիսպանսերի» անվճար ծառայություններից…
