ՀԿԿ խորհրդի անդամ, ԱԺ պատգամավոր Գալուստ Սահակյանն «Առավոտի» հարցին ի պատասխան հերքեց, թե ՀՀԿ խորհուրդը շաբաթ օրը քննարկել է ՀԺԿ-ի կողմից գյուղատնտեսության նախարարի պաշտոնին առաջադրված Զավեն Գեւորգյանի պաշտոնանկության հարցը։ Մինչդեռ «Ազատություն» ռ/կ-ին տրված հարցազրույցում Գ. Սահակյանը նաեւ նույն անձնավորության մասին եւ ընդհանրապես նշել է. «Նրանք, ովքեր կառավարության քաղաքական գիծը չեն կարող առաջ տանել, բնականաբար, տեղ չեն ունենա կառավարության մեջ՝ անկախ նրանից, թե ՀԺԿ-ից են կամ այլ կուսակցություններից»։
ԴԵՄԻՐՃՅԱՆ-ԳԵՂԱՄՅԱՆ ՀԱՆԴԻՊՈՒՄ
Ս. թ. օգոստոսի 7-ին տեղի ունեցավ Հայաստանի ժողովրդական կուսակցության ղեկավար Ստեփան Դեմիրճյանի եւ «Ազգային Միաբանություն» կուսակցության ղեկավար Արտաշես Գեղամյանի հանդիպումը։ Ինչպես հայտնեցին այդ երկու կուսակցությունների լրատվական ծառայությունները, արձանագրվեց, որ ժողովրդի համար կենսական նշանակություն ունեցող մի շարք սկզբունքային հարցերում կուսակցություններն ունեն համընկնող եւ փոխլրացնող մոտեցումներ։
Կարդացեք նաև
ԴԱՏԱՊԱՐՏՅԱԼԸ ՑԱԾ Է ՆԵՏՎԵԼ…
Օգոստոսի 3-ին ժ. 19.30-ի սահմաններում Կոշի գաղութի դատապարտյալներից Նիկոլայ Բորիսի Գեւորգյանը (1978 թ. ծնված) 3-րդ հարկից ցած է նետվել։ Փաստի առիթով հարուցվել է քրեական գործ։ Մեզ հայտնի դարձավ, որ նա 1,5 ամիս է, ինչ գտնվում էր գաղութում։ Նա ծառայել էր ԼՂՀ-ում եւ, փաստորեն, դատապարտվել քր. օր.-ի 259 պրիմ, 265-Ա, 232 պրիմ հոդվածներով՝ 8 տարի ազատազրկման: 1998 թ. համաներմամբ վերջնական դատապարտվել է 5 տարի 4 ամիս։ Շրջանառության մեջ է դրված նաեւ ինքնասպանության վարկածը։