«Հզբոլլահ» խմբավորման զինված մահմեդականները Սոմալիում ֆուտբոլի աշխարհի առաջնության խաղերը դիտելու համար երկու մարդու են գնդակահարել եւ մոտ տասը մարդու ձերբակալել են:
News.am-ի փոխանցմամբ, միջադեպը տեղի է ունեցել հունիսի 12-ի երեկոյան՝ Արգենտինա-Նիգերիա խաղի ժամանակ: Տեղացի բնակիչների խոսքով, գրոհայինները ներխուժել են Մոգադիշոյից ոչ հեռու փոքրիկ մի գյուղի տներից մեկը, որտեղ մարդիկ ծածուկ դիտելիս են եղել այս երկու հավաքականների խաղը: Բանն այն է, որ Սոմալիի՝ մահմեդականների վերահսկողության տակ գտնվող տարածքներում արգելված է ֆուտբոլ դիտելը, սակայն մարդիկ փորձել են թաքուն դիտել հանդիպումը: Հարձակման ընթացքում երկու հոգի փորձել է փախուստի դիմել, սակայն տեղում գնդակահարվել է:
«Մահմեդական խմբավորման առաջնորդ շեյխ Մոհամեդ Աբու Աբդալլան հայտարարել է, թե ֆուտբոլասերները խախտում էին շարիաթի օրենքները»,- հաղորդում է soccer.ru-ն:
