ԵԱՀԿ ՄԽ համանախագահները պետք է մի կողմ դնեն «Մադրիդյան սկզբունքները» եւ զբաղվեն ուժի կիրառումից կամ այն կիրառելու սպառնալիքից հրաժարվելու մասին փաստաթղթի ստորագրման նախապատրաստմամբ: Այդ մասին «Արմինֆո»-ին հայտարարել է ԼՂՀ արտաքին քաղաքականության եւ անվտանգության հասարակական խորհրդի նախագահ Մասիս Մայիլյանը՝ մեկնաբանելով ԼՂՀ եւ Ադրբեջանի շփման գծին հունիսի 18-ին տեղի ունեցած միջադեպը: «Բացի այդ, ԵԱՀԿ-ն ուղղակի պարտավոր է նախաձեռնել այս միջադեպի միջազգային հետաքննության անցկացումը: Դա նաեւ հրադադարի ռեժիմի դադարեցման այդպիսի կոպիտ խախտումները չկրկնելու դեմ նախազգուշական միջոց կծառայի»,- նշել է Մասիս Մայիլյանը:
