«Թալիբան» շարժումը պնդում է, որ վերահսկողության տակ է առել Աֆղանստանի հյուսիս-արեւելքում գտնվող Կունար նահանգի Մարավար գավառում տեղակայված ամերիկյան ռազմաբազան: ԼՁԸՀ-ՁԸհհ-ի մատուցմամբ, թալիբների հրամանատար Քարի Զիյարա Ռախմանը հայտարարել է, թե ամերիկյան զինծառայողները ուղղաթիռներով հապճեպորեն լքել են հենակետը՝ թողնելով մեծ քանակությամբ զենք եւ ռազմական տեխնիկա: Ամերիկյան աղբյուրները չեն շտապում մեկնաբանել արաբական Al-Jazeera հեռուստաալիքով տարածված այդ տեղեկությունները:
Ռազմական այդ օբյեկտը Աֆղանստանի արեւելքում առանցքային նշանակություն ունեցող հենակետերից մեկն էր, որովհետեւ այն վերահսկում էր Պակիստանի հարեւանությամբ գտնվող Բաջուր բնակավայրը: Հենակետում ծառայություն էր իրականացնում մոտավորապես 500 ամերիկացի զինվոր, կային նաեւ ռազմական ուղղաթիռներ:
