Երեկ կայացած ընդլայնված նիստում Հայաստանի վոլեյբոլի ֆեդերացիայի նախագահությունը ՀՀ վարչապետ Տիգրան Սարգսյանին ընտրել է պատվավոր նախագահ: Վարչապետի թեկնածությունն առաջադրել է ֆեդերացիայի նորընտիր նախագահ, Սյունիքի մարզպետ Սուրեն Խաչատրյանը: Կարեւորելով մարզական ենթակառուցվածքների աշխատանքը՝ կառավարության ղեկավարը նշել է, որ սպորտը պետք է էական դերակատարություն ունենա հասարակության կյանքում, եւ հույս հայտնել, որ ֆեդերացիան արժանի ներդրում կունենա վոլեյբոլը Հայաստանում մասսայական մարզաձեւ դարձնելու գործում:
