Հուլիսի 18-22-ը Հայաստանի թատերական գործիչների միության նախաձեռնությամբ Լեռնային Ղարաբաղի Հանրապետությունում կանցկացվի մոնոներկայացումների թատերական փառատոն՝ նվիրված Արցախի անկախության հռչակման 20-ամյակին: Փառատոնի կայացմանն աջակցել են Հայաստանի մշակույթի եւ սփյուռքի նախարարությունները, ԼՂՀ մշակույթի, սպորտի եւ երիտասարդության հարցերի նախարարությունը: 5 օրերի ընթացքում ԼՂՀ քաղաքներում խաղացվելու է 18 ներկայացում, որոնցից առաջացած եկամուտը ամբողջությամբ տրամադրվելու է Ստեփանակերտի Վ. Փափազյանի անվան թատրոնի վերանորոգման աշխատանքներին: