«Ժառանգություն» կուսակցության վարչության փոխնախագահ Ռուբեն Հակոբյանն անցած շաբաթ օրը Գարեգին Նժդեհի հրապարակում քաղաքացիների հետ հանդիպման ընթացքում անդրադառնալով ներքաղաքական խնդիրներին՝ քննադատեց ե՛ւ նախկին, ե՛ւ ներկա իշխանություններին եւ այդ համատեքստում հայտարարեց. «2008թ. մարտի 1-ի դիպուկահարները ծնվել են 1996թ. սեպտեմբերի 26-ին: Եվ չի կարելի վիրավորելով ժողովրդի հիշողությունը՝ նրանց դարձյալ հավաքել հրապարակներում ու կեղծ հույսեր ներշնչել: Ժողովրդին խաբել չի կարելի»: