Aravot.am-ի հետ զրույցում «Մխիթար Սեբաստացի» կրթահամալիրի տնօրեն Աշոտ Բլեյանն անդրադառնալով ներքաղաքական խնդիրներին՝ նշեց. «Ձևը խաղ է անցավոր, և դա նորմալ է: Չպետք է մոռանալ, որ նախընտրական փուլն ավարտվում է և շռնդալից մտնում ենք ընտրական փուլ: Կարծում եմ, որ այս տարվա խորհրդարանական ընտրությունները էապես կտարբերվեն 2007- ի խորհրդարանական ընտրություններից: Այնտեղ ընդդիմություն ասածը՝ որպես այդպիսին, որ կարող էր ինչ-որ բան փոխել, չկար, ամեն ինչ կանխատեսելի էր: Մի փոքր անակնկալ եղավ «Ժառանգության» մասով, որը ոչինչ գրեթե չփոխեց»:
Մեր հարցին, թե իսկ ներկայիս ընդդիմության գործունեությունն ինչպե՞ս է գնահատում, Ա. Բլեյանը պատասխանեց. «Հիմա ոչ միայն կա ընդդիմություն, այլև հիմա այն քաղաքական ուժ է, որ ինքնուրույն է հանդես գալիս և փորձում առավելագույն ձայներ հավաքել խորհրդարանում: Ընդդիմություն է նաև «Բարգավաճ Հայաստան» կուսակցությունը»:
Դառնալով ՀՀԿ-ի գործունեությանը՝ պարոն Բլեյանը նկատեց. «ՀՀԿ-ն համախմբել է իր ողջ հնարավորությունները, նշանակում է, որ անհանգստանում է ինչ-որ բանից: Նա տեսնում է, որ քաղաքական դաշտն այլ է, որ այլևս 2007-ը չէ, երբ ամեն ինչ ծրագրված էր»:
ՀՀ երկրորդ նախագահ Ռոբերտ Քոչարյանի վերադարձի մասին խոսակցությունների մասին էլ ասաց, թե ծամոնի նման կպչուն մի բան են դարձել: Բլեյանի կարծիքով՝ երկրորդ նախագահը չի վերադառնա, և Վարդան Օսկանյանի՝ ԲՀԿ անդամակցությունը հենց վերջ է դնում այդ մտայնություններին:
Կարդացեք նաև
Տաթև ՀԱՐՈՒԹՅՈՒՆՅԱՆ
