Անգլիացի հետազոտողները հայտնում են, որ մարդու մարմնի չափսերին չհամապատասխանող, մեծ հագուստը կարող է դառնալ դեպրեսիայի պատճառ: Մասնագետների անցկացրած հարցումներից պարզվել է, որ յուրաքանչյուր երրորդ անհատ իրեն շատ վատ է զգում այն դեպքում, երբ հատկապես ջինսը, պիջակը եւ ամենօրյա հագուստն իրենց չափսերից մեկ կամ մի քանի անգամ մեծ են լինում: Բացի այդ, մասնագետները նշում են, որ հագուստի չափսերից բացի, տրամադրության վրա ազդում է գույնը:
Նշվում է, որ, օրինակ, երջանիկ մարդը հիմնականում ընտրում է վառ գույների հագուստ, գեղեցիկ, թանկարժեք զարդեր: Իսկ նա, ով տառապում է ընկճախտով՝ իր համար միեւնույն է, թե ինչ է հագել, ինչ գույների մեջ է. ավելի հաճախ տխուր եւ անտրամադիր մարդը ձգտում է «թաքնվել» մուգ գույների մեջ, կարծելով, որ այդ կերպ իրեն չեն նկատի:
«Առավոտ» օրաթերթ
