Այսօր իր տարեդարձն է նշում աղջիկների կուռքը` Ռոբերտ Պատինսոնը: Նա դարձավ 26 տարեկան: Ծնվել է Լոնդոնում: Ընտանիքում եղել է երրորդ երեխան` Լիզա եւ Վիկտորիյա քույրերից հետո: Բախտի բերմամբ 12 տարեկան հասակում հայտնվեց դպրոցական թատրոնում, իսկ դրանից հետո էլ` Barnes Theatre Club-ում: Ֆիլմային կարիերան Ռոբերտը սկսել է 2004 թվականին: Սակայն դերասանին հայտնություն է բերել «Մթնշաղ» ֆիլմը: Բացի դերասան լինելուց, նա նաեւ մոդել է ու երաժիշտ:
Լինելով անգլիացի, նա հասցրել է նաեւ երկրպագուներ ունենալ Հայաստանում, որոնցից մեկն էլ Նարինեն է: Ռոբերտ Պատինսոնով սկսել է հետաքրքրվել, երբ մի քանի անգամ դիտել է «Մթնշաղ» ֆիլմը. «Առաջին անգամ, երբ տեսա նրան ֆիլմում` չհավանեցի: Մի քանի անգամ նայեցի: Երեւի դրա հետեվանքով էլ սկսեցի համակրել»:
Համակրելուց հետո լսել է նրա գրած երաժշտությունը ու ինչպես ինքն է ասում` այժմ խենթանում է նրա համար: Սակայն դա հիվանդագին չէ, ինչպես ասենք 90-ական թվականներին` «Դիսկոտեկա ավարիայի» համար էր. Պատերին էին փակցնում նրանց նկարները, փորձում նմանվել նրանց: Նարինեն ունի եւս մեկ պատճառ Պատինսոնին սիրելու` նրա երաժշտության հետ կապված ունի շատ հիշողություն:
Այժմ նա անհամբեր սպասում է նոր «Մթնշաղի» պրեմիերային:
Արամ Արարատյան
