«Վահագ Ռաշ» խումբը մայիս-հունիս ամիսներին երեք ակումբային համերգներ ունեցավ Երեւանում: Խմբի երկրպագուները երկար էին սպասել այս իրադարձությանը: Նրանք հնարավորություն ունեցան վայելելու իրենց սիրած երգերը սիրելի խմբի կատարմամբ: Խումբը ստեղծագործում է հիմնականում ռոքի ժանրում, նրանց երգացանկում կա նաև բլույզ ոճի երգ` «Լուսամփոփի պես աղջիկ», որը կարելի է խմբի այցեքարտը համարել երգարվեստում, շատերը նրանց այս երգի հնչյուններով ճանաչեցին:
Երեկ` հունիսի 23-ին, նրանց վերջին համերգից հետո խմբի մենակատար Վահագն Ռուշանյանի, կամ, ինչպես նրան ճանաչում են բոլորը, Վահագ Ռաշը գնահատեց համերգային շրջագայությունը
-Հանդիսատեսից շատ-շատ գոհ եմ, ահռելի էներգիա փոխանցեցին մեզ: Վստահ եմ, որ փոխադարձ էր: Համերգներից էլ եմ գոհ, յուրաքանչյուրը յուրահատուկ էր ինձ համար:
-Զարմանալի է, որ ձեր կատարումները, որոնք յուրատիպ են ու ճաշակով, եթերներում հազվադեպ են ցուցադրվում, ի՞նչն է պատճառը:
-Գաղտնիք չէ, որ շատ ցուցադրվելու համար ծանոթություն և մեծ գումարներ են պետք:
-Ապագայում ի՞նչ ծրագրեր կան:
-Շատ են ծրագրերը, բայց չեմ ուզում ապագայի մասին խոսել, ավելի շատ մտածում եմ այսօրվա մասին:
-Գիտեմ, որ պատրաստվում եք հենց վաղը մեկնել Ուկրաինա: Ի՞նչ է ձեզ այնտեղ սպասում:
-Մեքենայով մեկնելու ենք Ուկրաինա: Ելույթ կունենանք տարբեր ակումբներում, հետո մի քանի միջոցառումների կմասնակցենք ու կվերադառնանք:
Նկարները տրամադրել է Վահագ Ռաշը:
Լիլիթ Հակոբյան` mynews.am
