Արտակ Նազարյանի մահվան գործով դատավարության օգոստոսի 14-ի նիստում Արտակի մայրը` Հասմիկ Հովհաննիսյանն ասաց,որ 2010թ. հուլիսի 24-ին Արտակը վերջին անգամ զանգել է իրեն եւ խնդրել իր բջջային հեռախոսը լիցքավորել 1000 դրամով, քանզի Արտակի խոսքերով` նա 3 կարեւոր զանգ պիտի կատարեր: Արտակը ետ է զանգահարել, մորը շնորհակալություն հայտնել, ասելով. «Մամ ջան, միշտ կհիշես, աշխարհում ամենաշատը քեզ եմ սիրում»: Այդ գիշեր երազում տիկին Հասմիկը որդուն տեսել է իրենց տանը, դագաղի մեջ, զինվորական համազգեստով:
Զարմանալի զուգադիպությամբ` Ծովինար Նազարյանն էլ երազի մեջ տեսել է մահացած եղբորը` զինվորական կամուֆլյաժով: Հասմիկ Հովհաննիսյանը դատարանում ուշադրություն հրավիրեց այն հանգամանքի վրա, որ քննիչների կողմից Արտակի բբջային հեռախոսի զանգերի վերծանումը կատարվել է մինչեւ հուլիսի 24-ը:
Ոսկան Սարգսյան
