«Քիչ առաջ Ազգային ժողովում ճեպազրույցների ժամանակ իշխող խմբակցության անդամներից մեկը հայտարարեց, որ պաշտոնական Երեւանը Ադրբեջանից ոչ մի պահանջ չունի։ Փաստացի, ոչ գերիների հարցում, ոչ մեր հայրենիքի օկուպացված հատվածը ազատագրելու, զորքերի դուրս բերման, արցախահայերի իրավունքների պաշտպանության եւ այլն, եւ այլն։ Էլ չեմ ասում շատ ու շատ պահանջներ»,-ֆեյսբուքյան ուղիղ եթերում ասաց ՀՀԿ գործադիր մարմնի անդամ Հայկ Մամիջանյանը։
«Իրենք պահանջ չունեն։ Դե, իրենք Ալիեւից երբեք էլ ոչինչ չեն կարող պահանջել։ Կարող են խնդրել, աղերսել, պաղատել։ Հայոց լեզուն լիքը հոմանիշներ ունի։ Սա էր։ Ֆիքսենք ու անցնենք առաջ։ Ձեզ լավ օր մի երկրում, որի կառավարիչները Ադրբեջանից ոչ մի պահանջ չունեն»,-ասաց քաղաքական գործիչը։
Աշոտ ՀԱԿՈԲՅԱՆ
