Հունգարիան բողոք է հայտնել Ադրբեջանին` Ռամիլ Սաֆարովին ներում շնորհելու Բաքվի որոշման առնչությամբ, հաղորդում է BBC-ն:
Ռամիլ Սաֆարովը ցմահ ազատազրկում էր կրում Հունգարիայում հայ սպայի սպանության համար, ում նա կացնահարել էր:
Հունգարիան նրան հանձնել է ադրբեջանական իշխանությունների ձեռքը այն կոնվենցիայի շրջանակներում, որը ստորագրել է ինչպես Բուդապեշտը, այնպես էլ Բաքուն, և որի համաձայն դատապարտվածները կարող են իրենց պատիժը կրել հայրենիքում: Սակայն հենց Սաֆարովը ժամանել է Ադրբեջան, նախագահ Ալիևը նրան ներում է շնորհել:
Կարդացեք նաև
Հունգարիայի ԱԳ նախարարի տեղակալը Ադրբեջանի դեսպանին հայտնել է, որ Բուդապեշտը «անընդունելի է համարում Ռամիլ Սաֆարովին ներում շնորհելը և դատապարտում է այն»:
Ավելի վաղ Հայաստանը խզել էր Հունգարիայի հետ դիվանագիտական հարաբերությունները` հայտարարելով, որ Բուդապեշտը «լուրջ սխալ է թույլ տվել»` Սաֆարովին արտահանձնելով Ադրբեջանին:
Առաջին լրատվական
