Կենտրոն եւ Նորք-Մարաշ վարչական շրջանների ընդհանուր իրավասության դատարանում ընթացող «Հարսնաքար» ռեստորանային համալիրում սպանված Վահե Ավետյանի գործով այսօր ներգրավվեց նոր պաշտպան՝ ՀՀ փաստաբանների պալատի անդամ Միհրան Պողոսյանը: Նա խնդրեց 15 րոպե ժամանակ՝ ինչպես իր պաշտպանյալի դիրքորոշումը ճշտելու, այնպես էլ խնդրեց երկրորդ հատորը՝ ծանոթանալու համար: Նախորդ պաշտպանից՝ ՀՀ փաստաբանների պալատի անդամ Վաղարշակ Գեւորգյանից ամբաստանյալի հարազատները հրաժարվել էին միայն այն պատճառով, որ նա ողջամիտ չէր համարել իրեն տրված մեկ շաբաթ ժամանակը՝ գործի նյութերին ծանոթանալու համար:
Դատավոր Դավիթ Հարությունյանը հայտնեց, որ առանձին տեսակցության հնարավորություն չունի դատարանը եւ որ պաշտպանը իր պաշտպանյալի հետ պետք է հանդիպի ընդհանուր հիմունքներով: Դատարանում 15 րոպե ընդմիջումից հետո կշարունակվի ընդմիջված նիստը:
Դատարանի շենքի դիմաց այս պահին միայնակ «Սպանդանոց» պաստառն է պարզել Վարդգես Գասպարին, որը երբեմն-երբեմն բղավում է. «Նեմեց՝ մարդասպան, Նեմեց՝ դավաճան»:
Կարդացեք նաև
Ռուզան ՄԻՆԱՍՅԱՆ
