Քիչ առաջ Գյումրու Վարդան Աճեմյանի անվան դրամատիկական թատրոնում տեղի ունեցավ «Վերածնունդ» միջազգային հինգերորդ մրցույթ-փառատոնի փակման հանդիսավոր արարողությունը, որի ժամանակ մրցանակներ հանձնեցին 13 անվանակարգերում` դաշնամուր, լարային , լողային գործիքներ, կամերային անսամբլ և կոնցերտմայստերական վարպետություն,ակադեմիական երգեցողություն , ժողովրդական գործիքներ, էստրադային երգեցողություն և այլն:
Նշենք, որ այս փառատոնը աշխարհի 30 տարբեր երկրներից` Շվեդիայից, Էստոնիայից, Սուդանից, Իսպանիայից, Ռուսաստանից Գյումրի էր բերել 2400 մասնակիցների: Եկել էին նաև աշխարահռչակ երաժիշտներ, որոնք փառատոնի անցկացման տաս օրվա ընթացքում վարպետության դասեր են պարապել երաժիշտների հետ:
Պատահական չէ, որ հաղորդավարները Գյումրու քաղաքապետ Սամվել Բալասանյանին բեմ հրավիրելիս` նրան այսպես ներկայացրեցին. «Այժմ բեմ ենք հրավիրում մշակութային մայրաքաղաքի քաղաքապետին»: Սամվել Բալասանյանն էլ իր հերթին խոստացավ հաջորդ տարի «հզոր ու նոր» դահլիճ տրամադրել այս փառատոնի համար:
Գյումրու քաղաքապետը փառատոնի կազմկոմիետի հետ համատեղ հատուկ մրցանակ շնորհեց Սուդանից դասական երաժիշտ կատարողի՝ Յաժի Իբրահիմին: Ի դեպ, այս երիտասարդը Գյումրի էր եկել իր լրագրող մոր հետ:
Կարդացեք նաև
Ինչպես ասաց Երեւանի կոնսերվատորիայի ռեկտոր, պրոֆեսոր Շահեն Շահինյանը, շատ երկրներ կուզենային նման մասնագետների հրավիրել իրենց մոտ, օրինակ` աշխարհահռչակ ջութակահար, Ֆրանսիայում բնակվող Ժան Տեր-Մերկերյանի անունը բավական է, որ երազեին իրենց բեմում տեսնելու մասին: Նա նաև ասաց, որ սկզբում շատ է խորհել վերածնունդ բառի մասին, մտածել է, թե երանի հենց այդպես էլ լինի. Գյումրին վերածնվի, իսկ այսօր համոզված է, որ աշխարհին հյուրընկալող մշակութային մայրաքաղաը իրոք վերածնվում է:
Ներկաների համար հետաքրքիր մի դրվագ արձանագրվեց մրցանակաբաշխության ընթացքում, եբրբ հերթը հասավ փողային գործիքների կատարողների մրցանակաբաշխությանը, մրցանակը հանձնելու համար բեմ հրավիրվեց հանրապետության գլխավոր ուրոլոգ Արմեն Մուրադյանը` պարզաբանելով, որ իր հայրը (Աբգար Մուրադյանը- Ա.Ն), այս փառատոնի ակունքներում է կանգնած: Նա մրցանակ հանձնեց սաքսոֆոնիստ Արսեն Հաջյանին: Ի դեպ, նա միակ բժիշկն էր մրցանակ հանձնող, սովորաբար մրցանակներ հանձնում էին աշխարհահռչակ երաժիշտները, որոնք բեմում երկար ժամանակ չէին կարող խոսել դահլիճից չընդհատվող ծափահարությունների պատճառով: Լավագույն դաշնամուրային կատարողին մրցանակ հանձնող Վրաստանի Արվեստի ակադեմիայի գլխավոր տնօրեն Վալերիա Ջիուակշվիլին ասաց. «Իմ մոտ այնպիսի տպավորություն է, թե կարծես Օսկարում եմ»:
Հիշեցնենք, որ այս փառատոնի կազմակերպումը կապվում է նաև նախագահի Սերժ Սարգսյանի տիկնոջ` Ռիտա Սարգսյանի և եղբոր` Լևոն Սարգսյանի անվան հետ, վերջինս «Փյունիկ» համահայկական հիմնադրամի հոգաբարձուների խորհրդի նախագահն է: Իսկ կազմակերպիչներ համարվում են ՀՀ մշակույթի նախարարությունը, Երևանի Կոմիտասի անվան պետական կոնսերվատորիայի Գյումրու մասնաճյուղը, Մարդկային ռեսուրսների զարգացման «Փյունիկ» համահայկական հիմնադրամը և «Վերածնունդ» միջազգային մրցույթ-փառատոն» հ/կ-ն:
Նունե ԱՐԵՎՇԱՏՅԱՆ
Գյումրին, իրոք, մշակութային մայրաքաղաք է, բայց նրա քաղաքապետը մշակութային մայրաքաղաքի խարջը չէ:Ափսոս:
Ապրես Նունե, տեղին ու դիպուկ հեգնել ես Բալասանյանին:Սիրում եմ լրագրողների այսպիսի մոտեցումները :