Հիմքեր են նախապատրաստվում Լիսկայի որդու եւ թիկնապահի կողմից Ավո Բուդաոյանի սպանությունը պաշտոնապես որպես ինքնապաշտպանություն որակելու համար։ Դեպքից անցել է մեկ ամիս, սակայն հանրությունը չի ստացել կարեւոր հարցերի պատասխաններ։
Նախ, նախաքննական մարմինն իբր չի պարզել Սուրիկ Խաչատրյանի զենքերի օրինականության հարցը։ Իսկ դրանից շատ բան է կախված։ ՊՆ Քննչական ծառայությունից հրաժարվում են տեղեկություն տրամադրել, թե Լիսկայի տնից առգրավված զենքերի մեջ «AK–74» կա՞, թե ոչ։ Բանն այն է, որ այն որսորդական զենք համարվել չի կարող (Լիսկան ասել էր, որ առգրավված զենքերը որսորդական են), եւ դրա օրինականությունը հաստատելը դժվար գործ է։
ՊՆ ՔԾ հասարակայնության հետ կապերի ավագ սպա Մերի Սարգսյանը հրաժարվեց մեզ որեւէ տեղեկություն հաղորդել, ամեն ինչ պայմանավորելով «նախաքննական գաղտնիք»-ով։
Որտեղի՞ց էր վիրավորվել գործարարը, արդյո՞ք կրակոցը հնչել է այն սենյակի պատուհանից, որտեղ «քնած» էր Սուրիկ Խաչատրյանը, քանի՞ տեղից է խոցվել նրա մարմինը։ Սրանք նույնպես «նախաքննական գաղտնիք» են։
Կարդացեք նաև
Բուդաղյանի մահացու վերքի մասին խոսել հրաժարվեց դատաբժիշկ Արշակ Ալեքսանյանը, նշելով, որ փորձաքննությունը գաղտնիություն է պահանջում։ Սակայն Գորիսի հիվանդանոցից պարզեցինք, որ Ավո Բուդաղյանն իրենց մոտ է տեղափոխվել թիկունքից վիրավոր վիճակում։ Նրան ընդունել են 23:40-ից 23:50-ի սահմաններում։ Ըստ հայտնի տեսանյութի՝ 23:10-ի դրությամբ արդեն նրա ուղղությամբ կրակոցներ էին հնչել եւ նա տապալվել էր գետնին։
Գագիկ ԱՂԲԱԼՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
