Սիրիայում ապստամբների հետ կառավարական ուժերի դեմ կռվող ևս մեկ ադրբեջանցի է սպանվել: Հայտնում է «1նյուզ.ազ» լրատվականը:
Սպանվածը՝ Ռաուֆ Հալիլովը, անցած տարի էր մեկնել պատերազմ, իսկ մինչև մահը տեսանյութ էր ձայնագրել իր ընտանիքի համար:
Սա առաջին դեպքը չէ, որ Սիրիայում ապստամբների կազմում ադրբեջանցիներ են սպանվում: Ըստ լրատվամիջոցներում շրջանառվող լուրերի, արդեն մոտ 100 հոգի է սպանվել, թեև Ադրբեջանի ԱԳՆ հայտնել էր, որ դեռ պետք է ապացուցվի, որ զոհվածները Ադրբեջանի քաղաքացի են, այնուամենայնիվ, հունվարի 10-ին մարտի ժամանակ ևս մի ադրբեջանցի էր մահացել, որը 14 տարեկան էր և որին իր հայրն էր պատերազմ տարել:
Ըստ Եվրասիական միջազգային խորհրդի մահմեդական ֆորումի ղեկավար Էլչին Ասկերովի, ադրբեջանցիները չպետք է մասնակցեն Սիրիայի պատերազմին. «Ոմանք իրենց մասնակցությունը բացատրում են Ջիհադով: Այդ հիմնավորումը լիովին սխալ է, քանի որ ամբողջ աշխարհին է հայտնի, որ այստեղ հարցը քաղաքական է, ոչ թե կրոնական», – ասում է Ասկերովը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
