Այսօր՝ հունվարի 23-ին, միջադեպ ու ծեծկռտուք է տեղի ունեցել ՀՀ ՊՆ Վանաձորի N զորամասում: Lorinews.am-ի աղբյուրների փոխանցմամբ գիշերը ժամը 04:00-ի սահմաններում Երևան քաղաքի բնակիչ, 1992թ-ին ծնված Հայկ Գ.-ն այցելել է զորամաս, որպեսզի տեսակցի այնտեղ ծառայող եղբորը: Դեռևս անհայտ պատճառներով իր և մի քանի զինվորների միջև լեզվակռիվ է առաջացել, որը վերածվել է ծեծկռտուքի: Այնուհետ արդեն Հայկը դեմքի և գլխի շրջանում ստացած բազմաթիվ վնասվածքներով տեղափոխվել է Վանաձորի զինվորական հոսպիտալ: Բժիշկները վերջինիս մոտ ախտորոշել են ուղեղի ցնցում: Գործը քննում է ռազմական ոստիկանությունը: Մանրամասները՝ առաջիկայում:
Էդվարդ Արզումանյան
