Թեեւ հասարակական մի քանի կազմակերպություններ դիմել էին ԵԽԽՎ-ին՝ Հայաստանի պատվիրակությունում Զարուհի Փոստանջյանի լիազորությունները կասեցնելու առնչությամբ, եւ ենթադրվում էր, որ կգտնվեն Վեհաժողովի 10 պատվիրակներ, որոնք ոտքի կկանգնեն՝ վիճարկելով Հայաստանի պատվիրակության լիազորությունները, ինչպես Ստրասբուրգից «Առավոտին» հայտնեց ԵԽԽՎ-ում Հայաստանի պատվիրակության ղեկավար Դավիթ Հարությունյանը՝ «Մեր լիազորությունները չվիճարկվեցին ոչ մեկի կողմից»:
Նշենք, որ ԵԽԽՎ-ում Հայաստանի պատվիրակության մշտական անդամ, ՀԱԿ խմբակցության ղեկավար Լևոն Զուրաբյանը newsbook կայքին տված հարցազրույցում ասել էր, որ եթե Եվրոպայի խորհրդում քննարկվի հայկական պատվիրակության լեգիտիմության հարցը, նա ոտքի կկանգնի` ի աջակցություն իր գործընկերոջ` Զարուհի Փոստանջյանի: