Ըստ «Փաստինֆո»– ի, 40 տարեկանից ցածր տարիքի աշխատող ՀՀ քաղաքացիների աշխատավարձերից պահումների մասին այսօր մամուլում տարածված մի շարք ահազանգերին քիչ առաջ ավելացավ ևս մեկը: Ինֆորմացիայի ազատության կենտրոնից տեղեկացնում են, որ Երևանի քաղաքապետարանին պատկանող դպրոցների մի խումբ ուսուցիչներ այսօր տեղեկացել են հաշվապահներից, որ իրենց կամքից անկախ հունվարի աշխատավարձերից պահվել են պարտադիր կենսաթոշակային գումարները:
Ըստ կենտրոնի՝ ուսուցիչները դիմել են Երևանի քաղաքապետարանին` պարզելու, թե իրավական որ ակտի հիման վրա է նման պահումն իրականացվում, երբ ուժի մեջ է ՍԴ համապատասխան որոշումը՝ Կենսաթոշակային պարտադիր վճարումների մասին օրենքի գործունեության կասեցման մասին: Ուսուցիչները նաև չեն պատկերացնում, թե ում պետք է դիմեն, որպեսզի իրենց հունվար ամսվա աշխատավարձը տրամադրվի՝ առանց կենսաթոշակային վճարների պահումների:
Սակայն պարզվում է՝ քաղաքապետարանում էլ այս հարցի պատասխանը չգիտեն: Քաղաքապետարանի լրատվության և հասարակայնության հետ կապերի վարչության պետ Արթուր Գևորգյանը մեզ հետ զրույցում ասաց. «Ես չեմ կարծում, թե օրենքից դուրս ինչ-որ բան է արվում, բայց խորհուրդ կտամ դիմել օրենքը կիրառող լիազոր մարմնին` հասկանալու համար ապօրինի բան արվու՞մ է, թե՞ չի արվում»:
Նյութի մանրամասները կարդացեք սկզբնաղբյուր կայքում
