Այս պահին «Հաղթանակ» զբոսայգու մոտից մեկնարկել է «Մենք եւս Մայդանում ենք» ակցիան, որին մասնակցում են քաղաքացիական ակտիվիստներ, իրավապաշտպան Արթուր Սաքունցը, «Ժառանգություն» կուսակցությունից Ստյոպա Սաֆարյանը, Դավիթ Սանասարյանը, Հովսեփ Խուրշուդյանը, Ազգային անվտանգության ծառայության նախկին ղեկավար Դավիթ Շահնազարյանը եւ քաղաքացիներ, ովքեր իրենց ձայնն են բարձրացնում ընդդեմ Կիեւում տեղի ունեցող արյունահեղության:
Ակցիայի մասնակիցները կրում են «Ուկրաինայում մարտի 1 է», «Յանուկովիչի ռեժիմի տապալումը Սերժի ռեժիմի տապալման սկիզբն է» եւ նմանատիպ բովանդակությամբ այլ պաստառներ:
Ակցիայի մասնակիցներն այս պահին շարժվում են դեպի Հայաստանում Ուկրաինայի դեսպանատուն:
Մանրամասները՝ առաջիկայում:
Գոհար ՀԱԿՈԲՅԱՆ
