Ուկրաինայի խնդրանքով Եվրոպայի անվտանգության և համագործակցության կազմակերպության զինծառայողները երկրի արևելյան և հարավային մասերում դիտարկումների կմեկնեն: Ասված է ԵԱՀԿ մամուլի հաղորդագրության մեջ:
Առայժմ 14 երկիր է արձագանքել խնդրանքին, բայց սպասվում է, որ առաջիկա օրերին այդ թիվը կավելանա: Այդ երկրներն են՝ Բելգիան, Կանադան, Էստոնիան, Ֆինլանդիան, Հունգարիան, Իսլանդիան, Իռլանդիան, Իտալիան, Լիտվան, Նիդերլանդները, Սլովակիան, Իսպանիան, Թուրքիան և ԱՄՆ-ը:
ԵԱՀԿ զինծառայողների առաջին այցը Ղրիմ նախատեսված էր մարտի 5-12-ը, սակայն խմբին թույլ չէին տվել հատել սահմանային անցակետերը:
Պատերազմական վտանգի առկայության ուսումնասիրության այս այցը նախատեսված է մինչև մարտի 16-ը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
