Երևանցիների կոմունալ-կենցաղային խնդիրներին աջակցելու նպատակով ապրիլ ամսից մեկնարկել են մայրաքաղաքի բազմաբնակարան շենքերի հարթ և թեք տանիքների նորոգման աշխատանքները, որոնք, բացառությամբ Նորք-Մարաշ վարչական շրջանի, ուր բազմաբնակարան բնակելի շենքեր չկան, ծավալվել են բոլոր 11 վարչական շրջաններում:
Ծրագրի շրջանակում կնորոգվեն թվով 363 շենքերի հարթ և 378 շենքերի թեք տանիքներ: Աշխատանքներում ներառվել են այն բնակելիները, որոնք տարիների վաղեմություն ունեցող ծածկերի պատճառով ռիսկային են դարձել անձրևաջրերի ներթափանցման տեսանկյունից:
Ծրագիրն իրականացվում է Երևանի համայնքային բյուջեի, ինչպես նաև համատիրությունների և վարչական շրջանների համաֆինանսավորմամբ: Թեք տանիքները նորոգվում են թիթեղով և ազբոշիֆերներով, իսկ հարթ տանիքները պատվում են ջրակայուն իզոգամով:
Երևանի քաղաքապետարանի տեղեկատվության և հասարակայնության հետ կապերի վարչություն
Կարդացեք նաև
