Սեպտեմբերի 5-ից մինչ օրս սրտխառնոցով, գլխացավով, փորլուծության եւ ջերմության գանգատներով Կապանի հիվանդանոց են տեղափոխվել Քաջարան քաղաքի 8 բնակիչ եւ 3 բնակիչ էլ՝ Կապան քաղաքից: Կապանի բժշկական կենտրոնի ինֆեկցիոն բաժնի վարիչի ժամանակավոր պաշտոնակատար Մարինե Քոչարյանը մեզ հետ ունեցած զրույցում նշեց, որ հիվանդները հիվանդանոց դիմելիս եղել են միջին ծանրության, այս պահին նրանց վիճակը բավարար է գնահատվում: «Բոլոր անհրաժեշտ հետազոտություններն արվել են, դեռեւս հստակ պարզ չէ, թե ինչն է պատճառը, անալիզների արդյունքները ամենայն հավանականությամբ վաղը կունենանք»,- նշեց բժշկուհին:
Շրջանառվող լուրերի համաձայն՝ հնարավոր է, որ ջրից լինեն թունավորումները, թեեւ մեր ունեցած տվյալներով, ջրից նմուշառուների արդյունքներով շեղումներ չեն հայտնաբերվել, նորմայի սահմաններում են:
Մանրամասները՝ շուտով:
Մերի ՍՈՂՈՄՈՆՅԱՆ
