Այսօր Գյումրիում Ավստրիայի արտաքին գործերի նախարար Սեբաստիան Կուրցը ևս մեկ անգամ փաստեց, որ Հայաստան են այցելել որոշ քաղաքական ու նաև տնտեսական հարցեր կարգավորելու համար: «Հայաստանը մեզ համար տնտեսական կարևոր գործընկեր է»,- հայտարարեց նախարարը: Լրագրողները նրանից հետաքրքրվեցին, թե կոնկրետ ի՞նչ ծրագրեր են պատրաստվում իրականացնել Հայաստանում, և իր դիտարկմամբ՝ ավստրիացիների գումարները նպատակայի՞ն են օգտագործել հայերը: Նախարարը, ցույց տալով ավստրիական «Կարիտաս»-ի կողմից բազմակի հաշմանդամություն ունեցող անձանց խնամքի կենտրոնի համար կառուցվող շենքը, ասաց. «Լավագույն օրինակն այն է, որ դուք լինելով այստեղ` տեսնում եք, թե ինչ վրա են ծախսվել գումարները: Այստեղ հսկայական կամավոր աշխատանք է ծախսվում, մարդիկ աշխատում են առանց որևէ ֆինանսական սպասելիքների, մի՞թե սա ապացույցը չէ ձեր հարցի, որ գումարները ծախսվել են նպատակային»:
Սեբաստիան Կուրցը նաև ասաց, որ Գյումրու ավստրիական հիվանդանոցին կշարունակեն օգնել բուժսարքավորումներով, բժիշկների վերապատրաստման հարցերով, ամեն ինչ կանեն, որ այս բուժհաստատությունը կապերը խորացնի Ավստրիայի կլինիկաների հետ: Նա նաև նշեց, որ թերապիայի սարք է գնել հաշմանդամների կենտրոնի համար, իսկ երեկ Գյումրիում բացվել է հայ-ավստրիական կապերի զարգացման կենտրոն:
Մանրամասները` տեսանյութում
Կարդացեք նաև
Նունե ԱՐԵՎՇԱՏՅԱՆ