Հունվարի 31-ին «Հիմնադիր խորհրդարան» կազմակերպության՝ դեպի ԼՂՀ ուղեւորվող ավտոշարասյունը կանգնեցվել է Բերձորում (Լաչին), դաժան ծեծի են ենթարկել մարդկանց, ջարդել նրանց մեքենաները։ Ոմանց մարմնական վնասվածքներով տեղափոխել են հիվանդանոցներ։
Խաղաղ ցուցարարների, ընդդիմադիր քաղաքացիների հետ բռնության լեզվով խոսելու դատապարտելի այս դեպքը հերթականն է՝ անցյալ տարեվերջին Ազատամարտիկների դաշինքի խորհրդի անդամներ Ռազմիկ Պետրոսյանի, Մանվել Եղիազարյանի, Սուրիկ Սարգսյանի, «Հիմնադիր խորհրդարանի» անդամ Գեւորգ Սաֆարյանի, ՀՀ ԱԺ պատգամավոր, Հայ ազգային կոնգրեսի փոխնախագահ Արամ Մանուկյանի, Կոնգրեսի Հրազդանի տարածաշրջանի կառույցի ղեկավար Աշոտ Փիլիպոսյանի նկատմամբ կիրառված բռնությունների շարքում։ Այս շղթան ցույց է տալիս, որ բոլոր բնագավառներում խայտառակ ձախողումներ կրող վարչախումբն իր փրկության միակ ելքը տեսնում է հասարակությանը ահաբեկելու ցնորական գաղափարի մեջ։ Ցավալի է, որ Բերձորում տեղի ունեցած բռնություններն իրականացվել են ԼՂՀ ոստիկանության կողմից։
Հայ ազգային կոնգրեսը խստորեն դատապարտում է խաղաղ ավտոերթի մասնակիցների նկատմամբ կատարված բռնարարքը։ Այդ փաստը, ամեն ինչից զատ, նաեւ միջազգային ասպարեզում խիստ բացասաբար կարող է անդրադառնալ ԼՂՀ ժողովրդավարական վարկանիշի վրա։
Կարդացեք նաև
Հայ ազգային կոնգրես
Գնում էին ուրիշ պետությո՞ւն, թե՞ ոչ ուրիշ պետություն: Եթե ուրիշ պետություն, ապա կարող էին եւ այդպես ընդունել: Բայց ինչո՞ւ պատասխան չկա ԱԳՆ-ի, այլ կառույցների կողմից եւ ի՞նչ են անում ՀՀ քաղաքացիները այդ երկրի բանակում: Իսկ եթե այլ պետություն չէ Ղարաբաղ կոչվածը, ապա այսպես կոչված ԼՂՀ-ն ի՞նչ է նշանակում:
Հետաքրքիր վերնագիր է …ցավալի կլիներ նույնիսկ եթե որեվեմի…Հյուսիսային Կորեայի կողմից իրականացված լիներ…
ՀԱԿ -ի համար երևի արդեն սովորական ու ընդունելի է, որ նման պահվածք դրսևորում է ՀՀ ոստիկանը… Վանոյի փրջոտ ականջը կանչի…
Թրքաբարո ոստիկանություն ու ոստիկանապետ