Վերջերս Թուրքիա այցելած տեղեկատվական եւ հաղորդակցության տեխնոլոգիաների ոլորտների հայ ներկայացուցիչները եղան Ստամբուլի «Քոռ Հակոբ» ռեստորանում: Սրա հիմնադիր-սեփականատերը հայ է եղել, սակայն ռեստորանը լիովին թուրքական է՝ մասնավորապես, հնչող երաժշտությամբ:
Եվ վերջինիս ամենասարսափելի առանձնահատկությունն էր՝ երաժիշտները ականջի տակ նվագում էին այնքան, մինչեւ հաճախորդը փող էր տալիս:
Ի դեպ, թուրքական «Ռադիկալ» թերթի մի խմբագիր նախկին այցերից մեկի ընթացքում հայկական խմբին պատմել էր, որ ծաղրելով թուրքական մամուլում Հայոց ցեղասպանության մասին հիշատակումը անպայման «այսպես կոչված» համադրությամբ ներկայացնելը՝ գրել էին. «Այսպես կոչված «Քոռ Հակոբը»:
Կարդացեք նաև
ԱՆՆԱ ԻՍՐԱՅԵԼՅԱՆ
Լուսանկարները՝ ՆԱՅՋԸԼ ՇԱՐՓԻ
«Առավոտ» օրաթերթ
07.03.2015
