ԱԺ ճեպազրույցի ժամանակ ՀԱԿ խմբակցության ղեկավար Լեւոն Զուրաբյանն անդրադարձավ այս քառօրյայի ընթացքում ԱԺ փոխխոսնակ Էդուարդ Շարմազանովի եւ իր միջեւ ծավալված բանավեճին՝ Հայոց ցեղասպանության 100-րդ տարելիցի կապակցությամբ ԱԺ հայտարարության նախագծի քննարկման ժամանակ:
Լեւոն Զուրաբյանն ասաց. «Խոսելով ՀՀԿ-ի անունից, Շարմազանովն ասեց, որ ԱԺ-ում նմանատիպ ձեւով մտածելն անգամ հանցագործություն է: Փորձեք հասկանալ, թե ինչ ասեց Շարմազանովը: Իրենք անգամ մտածելը կարող են համարել հանցագործություն: Եթե իսկապես մտածում ես, կարող ես գալ այլ եզրակացությունների: Այս հարցում Շարմազանովն անմեղ է, ինքը երբեք նման հանցագործություն չի գործել: Նա բացարձակ անմեղ է, կասեի անգամ՝ հարթ տախտակ է: Չկարծեք, որ վիրավորանք է: Հարթ տախտակ արտահայտությունը լատինական tabula raza արտահայտությունն է, որը բնորոշ է այն մարդկանց, որոնք երբեք չեն մտածել, նոր պետք է կուտակեն տպավորություններ: Երեխաների մասին են այդպես խոսում»:
Հռիփսիմե ՋԵԲԵՋՅԱՆ
