Ճարտարապետներ Լաերտ Թովմասյանն ու Աշոտ Երեմյանը կարծում են, որ Հայաստանի պետական խորհրդանիշները պետք է փոփոխվեն: Մեր երկիրն առաջինն է ընդունել Քրիստոնեությունը, և դա, ըստ նրանց, պետք է արտացոլվի պետական խորհրդանիշներում:
Ճարտարապետներն այսօր լրագրողների հետ հանդիպման ժամանակ ներկայացրին իրենց առաջարկած զինանշանը, դրոշը և օրհներգը:
«Մեր դրոշի գույներն ավելի վառ պետք է լինեն: Կապույտը պետք է խորհրդանշի խաղաղ երկինքը, կարմիրը՝ Հիսուսի արյունը: Եվ դրոշի վրա պետք է պատկերված լինի նաև Մասիսը՝ համաշխարհային ջրհեղեղի ալիքների մեջ»,- ասաց Լաերտ Թովմասյանը:
Դառնալով մյուս խորհրդանիշներին՝ նա նշեց, որ զինանշանը նույնպես պետք է կապված լինի քրիստոնեության հետ, իսկ օրհներգի խոսքերի հեղինակը ինքն է, երաժշտությանը՝ Արամ Խաչատրյանը:
Ճարտարապետներն ասացին, որ փոփոխություններ կատարելու առաջարկով իրենք արդեն դիմել են պատկան մարմիններին, սակայն պատասխան դեռ չեն ստացել:
Սիրանուշ ՀԱՅՐԱՊԵՏՅԱՆ
Վայ,էլի՞: Բայց հայը նաև առաջին ազգն է,որ գենոցիդի է ենթարկվել ու «փրկիչը» չփրկե՛ց «առաջին քրիստոնյա» ազգին: Եվ հետո՝ միչև այդ հայը ԴԱՐԵՐՈՎ հեթանոս է եղել. իսկու ինչու ոչ Վահագնի ու Անահիտի նկարները ազգային սինվոլներում:
Այն,որ մեր օրհներգը Հայաստանում միանշանակ չի ընդունվել,դա գաղտնիք չէ և վաղուց շրջանառվում են խոսակցությունները,որ այն պետք է փոխվի: Մամուլի հրապարակումներում նույնիսկ առաջարկում էին մրցույթ հայտարարել:Դատելով այս հաղորդումից, պ-ն Լաերտ Թովմասյանը չսպասելով հայտարարվելիք մրցույթին,արդեն իսկ ներկայացրել է նոր օրհներգի իր տարբերակը:Ինձ թվում է,որ դա,մեղմ ասած,այնքան էլ արդարացի չէ:Եթե օրհներգը պիտի փոխվի(առանց դետալների մեջ մտնելու`համաձայնենք,որ պիտի փոխվի) ուստի անհրաժեշտ է մրցույթ հայտարարել,որ դրան մասնակցեն տարբեր ,,հեղինակներ,, և նոր միայն դրանից հետո ընտրել շատերի համար ընդունելի տարբերակը:Օրինակ,ես էլ հաճույքով կմասնակցեմ այդ մրցույթին,թեկուզ և ,,օլիմպիական,,սկզբունքով,առավել ևս,որ դեռ վաղուց, ունեմ գրված նոր օրհներգի տեքստի իմ տարբերակը: