«Ոտքի Հայաստան» նախաձեռնությունը հայտարարել էր, որ հուլիսի 27-ին Հանրապետության հրապարակում 72 ժամյա նստացույց է կազմակերպելու: Այժմ նախաձեռնության անդամները հավաքվել են կառավարության շենքի դիմացի մայթում, որպեսզի գնան հրապարակի կենտրոնում սկսեն իրենց նստացույցը, սակայն ոստիկաններն արգելում են փողոցն անցնել` հայտարարելով, որ ակցիան անօրինական է:
Նախաձեռնության խմբի անդամ Անդրիաս Ղուկասյանը լրագրողների հետ զրույցում ասաց, որ նստացույցը նախատեսում են իրականացնել երեք ժամյա հերթափոխով, այդ առիթով ոստիկանությանը խնդրում են իրենց աջակցել: Նստացույցը կդադարեցվի այն պահին, երբ Հանրային ծառայությունները կարգավորող հանձնաժողովը չեղյալ հայտարարի իր որոշումը:
Անդրիաս Ղուկասյանը հավելեց, որ Հանրապետության հրապարակում բազմաթիվ քաղաքական միջոցառումներ են կազմակերպվել: Նա ասաց, որ ոստիկանությանը 30 րոպե ժամանակ են տալիս փոփոխելու իր որոշումը, հակառակ դեպքում քաղաքացիական անհնազանդության կդիմեն:
Ամի ՉԻՉԱԿՅԱՆ
