ՀՀ նախագահի մրցանակի համար «Լավագույն մարզական ընտանիք» մրցույթն այսօրվանից լայն թափ է ստանում: Երեկ Ծաղկաձորի գլխավոր մարզաբազա ժամանեցին նաեւ հաշմանդամ ունեցող 19 ընտանիքները եւ մրցույթի մասնակից ընտանիքների կազմն ամբողջացավ:
Մրցույթի գլխավոր կազմակերպիչ եւ պատասխանատու Խաչիկ Ասրյանը երեկոյան հանդիպեց նրանց: ՀՀ սպորտի եւ երիտասարդության հարցերի փոխնախարարը մարզերի պատասխանատուներին եւ ընտանիքների անդամներին ծանոթացրեց մրցումների ժամանակացույցին, հատկապես առաջին անգամ մասնակցող ընտանիքներին ներկայացրեց մրցակարգը, գլխավոր մարզաբազայի ամբողջ տարածքում համակեցության կանոնները, լսեց հաշմանդամություն ունեցող մարզական ընտանիքների առաջարկները եւ տեղում լուծումներ տվեց բոլոր խնդիրներին: Խաչիկ Ասրյանը հաշմանդամություն ունեցող բոլոր ընտանիքներին ՎիվաՍել ՄՏՍ-ի գլխավոր տնօրեն Ռալֆ Յիրիկյանի կողմից նվիրեց լիցքավորման քարտեր, Համահայկական խաղերի համաշխարհային կոմիտեի կողմից՝ համազգեստներ եւ Ցեղասպանության 100-ամյակի խորհրդանիշ Անմոռուկով կրծքանշաններ եւ հովանոցներ:
Այսօր բոլոր մարզական ընտանիքները պայքարում են օրացույցով հաստատված մրցաձեւերում:
Կարդացեք նաև
Աշոտ ՀԱԿՈԲՅԱՆ